Саха сиригэр булт инспиэктэрдэрэ рейдэлэри ыытыллаллар
Кэҥкэмэ ытык сиригэр, Байанайдаах дойдуга булт инспиэктэрдэрэ риэйдэбэй тэрээһиннэрин саҕалыыллар. Бастатан туран, дөкүмүөннэр бэрэбиэркэлэнэллэр.Тохтотуллубут тимир көлө, дьону тиэйэн аҕалан, төптөрү баран иһэр массыына буолан биэрдэ. Онон кэтиир-маныыр сыаллаах айан салҕанар.
Бүгүҥҥү оперативнай тэрээһиҥҥэ кылаабынайынан 38-ыс сылын бу эйгэҕэ үлэлиир Иннокентий Семенов таҕыста. Үлэбит сүрүнэ - түүн саҕаланар диэн уопуттаах үлэһит тоһоҕолоон этэр.
Иннокентий Сёменов, СӨ ураты харыстанар сирдэргэ уонна биологическай ресурсаларга дирекциятын салайааччытын солбуйааччы: «Массыына уотунан тыктаран бултуур улахан буруй, көҥүллэммэт. Уголовнай дьыалаҕа тэҥнэһэр».
Маннык оперативнай тэрээһин былаан быһыытынан оҥоһуллар. Экология министиэристибэтин бары салаалара туспа-туспа бөлөхтөргө хайдан үлэлииллэр. Өрөспүүбүлүкэ бары улуустара хабыллаллар. Үлэ хара сарсыардаттан саҕаланар.
Риэйдэбэй тэрээһини кытары иниспиэктэрдэр кыыл-сүөл ахсаанын хонтруоллуур, ааҕар-учуоттуур үлэлэрин ыыталлар. Холобура, иҥэмтэлээх, битэмииннээх мас лабааларын анал сиргэ уураллар. Маныаха хаартысканан, ол эбэтэр фотоловушкалары оҥороллор эбит. Итинник ньымалар кыыл ахсаанын элбэтиигэ уонна ааҕыытыгар сыталлар.
Иннокентий Винокуров, СӨ ураты харыстанар сирдэргэ уонна биологическай ресурсаларга дирекциятын кыыл ахсаанын ааҕар-учуоттуур, хонтуруоллуур салаатын кылаабынай исписэлииһэ: «Туртаһы элбэтээри аһатабыт ону тэҥэ учуот оҥоробут фотоловушканан. Бу биир аһыыр сиргэ хас кыыл киирэрин. Былырыын элбээбитэ 12 буолан биир каадырга киирэ сылдьыбыта».
Онон риэйдэбэй тэрээһинннэри кытары, кыылы учуоттуур үлэлэр тиһигин быспакка ааһаллар. Салгыы кэтиир-маныыр үлэ салҕанар.
Иннокентий Сёменов, СӨ ураты харыстанар сирдэргэ уонна биологическай ресурсаларга дирекциятын салайааччытын солбуйааччы: «Билиҥҥи управление үрдүнэн 30-тан тахса боротокуол оҥоһулунна. Сүрүн буруй оҥорооччулар: көҥүлэ суох бултууллар, баар эрээри атын сиргэ кэлэн бултууллар, сааларын иитиилээх эбэтэр хаҕа суох илдьэ сылдьар эмиэ буруй буолар».
Иниспиэктэрдэр булчуттарга туһаайан аныгы үйэ тэриллэрин: тепловизордары, түүҥҥү прицеллары уонна үөһээ көтөр дроннары сатыы эбэтэр үөһээ туран туһанарга ыҥыраллар. Массыынаны туһаныы көҥүллэммэт.