"НАУКА 0+" бэстибээл киин куоракка киэҥ хабааннаахтык ыытыллыаҕа

"НАУКА 0+" бэстибээл Дьокуускайга балаҕан ыйын 4-7 күннэригэр "Дохсун" успуорт уораҕайыгар ыытыллыаҕа. ХИФУ историческай бакылтыата манна көхтөөхтүк кыттыыны ылыаҕа, Саха сирин историятын уонна култууратын кытта билсэргэ аналлаах сэргэх тэрээһиннэри ыытыаҕа. Историческай бакылтыат сыл ахсын "Якутский двор" диэн былаһааккатыгар маастар-кылаастары тэрийэн ыытар. Быйыл үөрэх салаата оҕуруо тиһэргэ, сахалыы киэргэллэри уонна харысхаллары оҥорууга маастар-кылаастары ыытара күүтүллэр. Бу туһунан сиһилии ХИФУ Историческай бакылтыатын доцена, история билимин хандьыдаата, "Культурная антропология" диэн научнай куруһуок салайааччыта Капитолина Яковлева сырдатарын истэргитигэр ыҥырабыт.