Дьиэ кэргэн сыла: Мэҥэ Баишевтара - Игнатьевтара удьуор утумун салҕыыллар

Мэҥэ-Хаҥалас улууһун Дьабыыл сэлиэнньэтин Арыылаах сайылыгар сэрии иннинэ колхуос бэрэссэдээтэлинэн үлэлээбит, онтон сэрии толоонугар хорсун быһыытын иһин Аҕа Дойду сэриитин II истиэпэннээх уордьанынан наҕараадаламмыт Антон Романович Баишев удьуордара дьиэ кэргэн түмсүүтүн тэрийэн үлэлээбиттэрэ быйыл иккис сыла. Түмсүү сүрүн соругунан аймах-билэ дьон чугастык билсэн өбүгэлэрин үтүө үгэстэригэр оҕону кыра эрдэҕиттэн сахалыы тылы үөрэтэн ийэ куту иҥэрии. Бу туһунан сиһилии сэрии дьоруойун сиэнэ Дьокуускай куорат олохтооҕо, үрдүк категориялаах учуутал Анна Гаврильева билиһиннэрэр.