Саха сиригэр 93 айылҕа баһаара бэлиэтэммит

Саха Өрөспүүбүлүкэтин сиригэр Авиалесоохрана тэрилтэ иһитиннэриитинэн от ыйын 25 күнүнээҕи туругунан 800 тыһыынчаттан тахса гектар иэннээх  уонна 93 айылҕа баһаара бэлиэтэммит. Ойуур уотун умуорууга барыта 1849 киһи уонна 182 техника үлэлиир. Онтон, ыксаллаах быһыы-майгы министиэристэбитэн Дьааны улууһун кытта эбии 12 улуус сүрүн хонтуруолга ылылынна. Бу туһунан пресс-сулууспа үлэһитэ Майя Акимова иһитиннэрэр.