Саха сирин түмэллэригэр өрөмүөн үлэтэ ыытыллар

Быйыл «Култуура» национальнай бырайыагынан Саха сирин түмэллэригэр өрөмүөн үлэтэ ыытыллар. Сылтан сыл судаарыстыбаннай бүддьүөттэн үбүлээһин сууммата элбээтэр элбээн иһэр. Бу сылга, бүгүҥҥү күн туругунан 33 хантараак 18,5 мөлүйүөн уопсай сууммаҕа баттанан турар. Үбүлээһииҥҥэ тигистилэр Бүлүүтээҕи кыраайы үөрэтэр Староватов аатынан түмэл, Мытаахтааҕы түмэл-галерея, Эдьигээннээҕи история түмэлэ, Дьокуускайдааҕы  Ярославскай аатынан түмэл уонна да атыттар. Бу туһунан сиһилии Саха сиригэр национальнай бырайыактар култуура хайысхатыгар үлэлэрин куратора Галина Григорьева сырдатта.