Горнай улуус Мытааҕыгар "Өбүгэ үгэһин сөргүтэн" диэн ааттаах бырайыак ыытыллар

Горнай улууһугар Мытаахха ыытыллар "Өбүгэ үгэһин сөргүтэн" диэн ааттаах бырайыак элбэх болҕомтону тардар. Бу бырайыагы иккис төгүлүн "Мыытаах музей-галерея" үлэһиттэрэ дириэктэр Артур Егоров, Лидия Григорьева, Серафим Григорьев ситиһиилээхтик тэрийэн ыыттылар. Кэлбит ыалдьыттар аһаҕас халлаан анныгар өбүгэлэрбит үгэстэрин эттэринэн хааннарынан билэллэр: ынах, биэ ыыллаар, дьиҥнээх кымыһы амсайаллар. Онон, бу Горнай улууһугар туризм сайдыытыгар биир төһүү бырайыак буолара билиннэ. Бырайыак туһунан Мыытаахтааҕы түмэл-галерея директора Артур Егоров кэпсээтэ.