Бүлүүгэ балыыһа комплексын иккис уочаратын тутуута салҕанар

Бүлүүгэ 4259 кв.м. иэннээх, 53  куойкалаах балыыһа тутуута салҕанар. Оройуоннар икки ардыларынааҕы сүрэх-тымыр ыарыылаахтары эмтиир, МРТ, УЗИ, гастроскопия (ФГДС), инсуллаабыттары уонна инфарктаабыттары чэбдигирдэр, эмтиир уо.д.а. салаалар баар буолаллар.

Манна үрдүк технологиялаах мэдиссиинэ көмөтүн Бүлүү бөлөх улуустара бары, ону таһынан Кэбээйи улууһун чугас сытар нэһилиэнньэлээх пууннарын олохтоохторо эмиэ ылар кыахтаналлар.

Бу баараҕай тутуу бары ирдэбилгэ эппиэттиир уонна саҥа тэриллээх комплекс толору күүһүнэн 2025  сылга үлэлиирэ күүтүллэр.  Бу туһунан сиһилии Бүлүүттэн улуустааҕы киин балыыһа кылаабынай бырааһа  Егор Григорьев сырдатта.