Регионнар икки ардыларынааҕы Баһаары утары сулууспа кэмпириэнсийэтэ буолла

Саха сирин үрдүнэн 587 нэһилиэнньэлээх пууҥҥа мөллүйүөнтэн тахса киһи олорор. Бу дьон, куттала суох буолууутун, бааһаартан сэрэхтээх буоларын хааччыйар министиэристибэ көҕүлээһининэн регионнар икки ардыларынааҕы практическай кэмпириэнсийэ баһаары утары сулууспа үлэһиттэрин түмтэ.

Руслан Босиков, СӨ баһаары утары сулууспатын салайааччыта: «Кэмпириэнсийэбит сыала соруга сүрүнэ баһаары умулларыы, сэрэтии үлэтигэр салгыы хайдах хайысханнан үлэлиирбит уонна сайыннарарбыт сөптөөх быһаарыылары ылан нормативно-правовой актарга уларытыы киллэриэхпитин баҕарабыт».

Муома улууһун баһаарынай чааһын биир тутаах үлэһитэ Кристина Сухомясова бүгүҥҥү улахан тэрээһин арыллыытыгар наҕараада ылла. Үтүө суобастаах сулууспатын түмүгэ, улууһугар баһаары утары ыыппыт сэрэтэр-профилактическай үлэтэ үрдүктүк сыаналанна.

Кристина Сухомясова, Муома улууһун баһаарынай чааһын инструктора: «Муома улууһугар саамай сүрүн сыалбыт олорор сиргэ. Онно дьиэ кэргэннэри кытта кэпсэтии ыытабыт уокка сэрэхтээх буолалларыгар. Оскуола оҕолоругар эмиэ сэрэхтээх буолууга тэрээһиннэри ыытабыт. Сайынын ойуур рейдэлэрин ыытабыт. Тыа баһаарын сэрэтэр тэрээһиннэри олохтоохтор икки ардыларыгар ыытабыт».

Бүгүҥҥү кэмпириэнсийэҕэ дьиэҕэ-уокка, эбийиэктэргэ эрэ тахсар баһаардары буолбакка ойуур баһаардарын тула эмиэ кэпсэтии ыытыллынна. Уопут атастаһыыта манна сүрүн оруолу ылла. Күүстээх профилакатика маныаха бу курдук улахан тэрээһиннэр ыытыланнар кэлиҥҥи кэмҥэ баһаар көрдөрүүтэ намтаан турар диэн Саха Өрөспүүбүлүкэтин гражданскай оборонаҕа уонна нэһилэнньэҕэ куттал суох буолуутун хааччыйар министиэристибэ миниистирэ Дмитрий Лепчиков иһитиннэрдэ. Ол курдук, 2019 сылтан бэттэх баһаардар ахсааннара 32% түспүт итиэннэ дьон баһаарага былдьаныытын көрдөрүүтэ 10,3% намтаабыт.

2 күн устата ыытыллар тэрээһиҥҥэ чуолаан үлэ хаамыытын барылын ыытыыга болҕомто ууруллунна, онон улуустар баһаарынай чаастарын салайааччыларыгар үгүс сыал-сорук туруорулунна. Манна холобура, Бүлүү улууһа үлэтинэн эмиэ биир холобур буолла.

Юрий Бугаев, Бүлүү улууһун баһаарынай этэрээтин салайааччыта: «АДПИ диэн баһаары сэрэтэр тэрили дьоҥҥо тарҕатабыт. Бүлүү улууһунар 11 нэһилиэк 100% ыалларга туруордубут. Ити туһалаах, көдьүүстээх ньыма».

Кэмпириэнсийэ иккис күнэ Хаҥалас улууһугар тахсыынан түмүктэннэ. Манна баһаарынайдар чаастарынан сылдьан үлэ хаамыытын көрдүлэр.