Хаҥалас улууһугар Иван Матвеев аатын сүгэр научнай-практическай конференция буолла

Арктикатааҕы агротехнологическай университет Өктөмнөөҕү филиалын 1 кууруһун устудьуона Диана Скрябина олус интриэһинэй "Агроыллык" диэн ааттаах бырайыагын көмүскүүр. Бу бырайыак Саха сиригэр тыа хаһаайыстыбатын туризма сайдарыгар улахан олук буолара саарбаҕа суох.

Диана Скрябина, "Матвеевскай ааҕыылар" НПК кыттыылааҕа: «Биһи Өктөмнөөҕү филиалга туорахтаах култууралары, оҕуруот аһын, отон олордобут. Агротуризм сайда илик дии саныыбыт уонна агро үөрэҕи сайыннарарга былааннанабыт».

Аан бастакытын Арктикатааҕы агротехнологическай университет Өктөмнөөҕү филиалын уораҕайыгар биллэр судаарыстыбыннай уонна общественнай деятель, тыа хаһаайыстыбата сайдарыгар улахан кылаатын киллэрбит Иван Матвеев аатын үйэтитэргэ аналлаах бастакы тэрээһин ыытыллынна.

Сахаяна Павлова, Арктикатааҕы агротехнологическай университет Өктөмнөөҕү филиалын дириэктэрэ, агрономия кафедратын профессора: «Иван Афанасьевич Матвеев бэйэтэ олоҕун Саха Өрөспүүбүлүкэ норуотун, экономикатын сайдыытыгар уурар».

Бастакы тэрээһин диэтэххэ кыттааччы үгүс. Манна Өрөспүүбүлүкэ эрэ буолбакка, бүтүн дойду араас регионнарыттан үлэ элбэх.

Тыа хаһаайыстыбата Саха сиригэр оҥорон таһаарыы курдук экономика биир тутаах салаата буолар. Онон бу конференция инникилээх. Бастатан туран бу эйгэҕэ исписэлиистэри бэлэмнииргэ. Онон тустаах тэрээһин үгэскэ кубулуйан сыллата ыытыллар буолуоҕа.