Горнай улууһугар урбаанньыттар көрдөөх эстафеталара ааста

Улууска биллэриллибит урбаан сылын чэрчитинэн, Бэрдьигэстээх нэһилиэгин урбаанньыттарыгар анаммыт быйылгы  бастакы улахан спортивнай курэхтэһии Афанасий Парфенов аатынан спорт саалаҕа ыытылынна, күн бүгүҥҥү туругунан нэһилиэккэ 317 урбаанньыт уонна коммерческай тэрилтэ ону таһынан 272 бэйэ дьарыктаах сайдыыны саҕалааччылар, уйгуну тустэһээччилэр бааллар. Бу сыл устата урбаанньыттарга анаммыт үс бөдөҥ күрэхтэһии буолуоҕа, бастакы көрүҥ көрдөөх эстафетаттан саҕаланна, манна араас эйгэ кэтэх тэрилтэлэриттэн холбоммут 8 киһилээх алта хамаанда кыттыыны ылла. тэрээһини нэһилиэк дьаһалтата уонна ыччат агентствота ыытта.

Евгения Каленкова, Күрэхтэһии сүрүн судьуйата: «Бастакы түһүмэххэ тапочкалаах сүүрүү, иккис түһүмэх уобуруч көһөрүүтэ, үһүс – тоннель иһинэн ааһыы, төрдүс – ньуоскаҕа теннис мээчиктээх сүүрүү уонна бүтэһик – хамаанданан ырааҕы ыстаныы».

Көрдөөх эстафета туораттан көрдөххө уустуга суох курдук эрээри, сорох көрүҥнэрэ үөрүйэҕэ суох киһиэхэ ылбычча оҥороругар судургута суоҕа көһүннэ, ол эрэн аата да этэрин курдук көрүҥ барыта көрдөөхтүк ааста, холобур улахан атах таҥаһын анньынан баран сүүрүүгэ сыыһа үктэммит умса хоруйда. Саала иһэ ыалдьааччылар ыһыыларынан хаһыыларынан туолла.

Марфа Фёдорова, күрэхтэһии кыттааччыта, Родион Николаев, Күрэхтэһии кыттааччыта: «Махтал, Прогресс, Фотоцентр, Мясной двор уонна Илин Строй буолан биир хамаанда буолан кытынныбыт. Иккис миэстэ буоллубут. Сүүрүү ыстаныы күрэҕэ уустук ааста. Саамай саастаах хамаанда буолан, ол да буоллар иккис миэстэни мүлчү туппатыбыт. Маннык күрэххэ бастыкыбытын кытынныбыт».

Күрэхтэһии алта көрүҥүн түмүгүнэн эдэр састааптаах Южнай атыы дьиэтин хамаандата бастаата, иккискэ №6 холбоһуктаах хамаанда таҕыста, үһүс миэстэни Айтал маҕаһыынын холбоһуктаах хамаандата ылла.

Евгения Каленкова, күрэхтэһии сүрүн судьуйата: «Уопсай түмүгүнэн: 3 миэстэ - Айтал маҕаһыын, 2 миэстэ – №6 хамаанда уонна 1 миэстэ – Южный маҕаһыын».

"Южный" атыы киинин кыайыылаах хамаандата: «Саамай ыарахан тапочкалаах күрэх. Бастакыбытын кытынныбыт. Бэһиэлэйдик ааста, хотоммут үөрдүбүт».

Бу курдук мэлдьи үлэ үөһүгэр сылдьар урбаанньыттар биир күнү оонньууга анаан сэргэхсийэн, аралдьыйан, сынньанан бэйэ бэйэни кытары билсэн тарҕастылар. Салгыы урбаанньыттар кулун тутар ыйга ханаат тардыһыытыгар, онтон балаҕан ыйыгар чэпчэки ателтикаҕа күрэхтэһэллэрэ былааннанар.