Хатас библиотеката Саҥа дьыл алыбын олохтоохторго тэрийэр

Саҥа сылы көрсүү тутаах дьоруойа Тымныы моруос оҕонньор Хатас нэһилиэгин библиотекатыгар кэлэн ыалдьыттыыр.

Эҕэрдэ тыллар хас дьиэ ахсын күннэтэ элбээн, үксээн иһэллэр. Саҥа сыл чугаһаабытын бэлиэлэрэ харыйа, гирлянда уонна мишура хас тэрилтэ ахсын тураллар. Онно эбиитин оҕолор саҥа сылы көрсө оҥорбут оҥоһуктара эбии киэргэл болан тураллар. Хас бөһүөлэк, куорат ахсын ыытыллар күрэхтэр манна эмиэ тураллар.

Мария Никифорова,  И. Д. Панаев аатынан Хатас нэһилиэгин библиотекатын сэбиэдиссэйин солбуйааччы: «Саҥа дьылга оҕолорго “Сыл бэлиэтэ” диэн оҥоһук күрэҕэ оҥордубут. Маны сэргэ хаартыска күрэҕин ыыттыбыт. Кыайыылаахха саҥа дьыллааҕы кинигэ бэлэх ууннубут».

Хас биирдии оҕо ураты көрүүлээх, ураты маастарыстыбылаах буолара оҥоһуктары киһи көрдө да тутатына бэлиэтиир. Уһуйаан оҕотуттан саҕалаан оскуола үрдүкү кылаастарын оҕолоругар тиийэ бары кытталлар.

Хатас нэһилиэгин библиотеката хас биирдии култуура тэрилтэтин курдук саҥа сылы көрсөөрү киэргэнэн, симэнэн үгүс тэрээһиннэри ыытар. Бөһүөлэгин олохтоохторун аралдьытан, сынньатан бырааһынньыктааҕы санааны бэлэхтиир, сүргэлэрин көтөҕөр, кинигэни таптыырга, ааҕыыга, көҕүлүүллэр.

Анна Кривошапкина, Хатас нэһилиэгин олохтооҕо: «Библиотекабыт хайа баҕар бырааһынньыкка дьону түмэр. Куруутун үлэтэ оргуйан олорор. Холобур, Саҥа дьылы көрсө тэрилтэ үлэһиттэригэр макраме тиэхиникэнэн өрүү маастары кылааһын ыыттылар».

Бэйэлэрэ суруйан, таҥан таһаарбыт кинигэлэрин саҥа сылы көрсө олохтоохтор библиотекаларыгар бэлэх ууналлар. Онон бу манна дьиҥ чахчы бырааһынньыктааҕы санаа, сүргэ баар.

Саҥа сылы көрсүү алыптаах эйгэтэ хас биирдии дьиэҕэ, тэрилтэҕэ күннэтэ күүһүрэр. Сылга биирдэ буолар үөрүүлээх түгэни көрсүүгэ култуура үлэһиттэрэ олохтоохтору түмэллэр.