Дьокуускай классическай гимназията аһымал кэнсиэри тэрийдэ

Доруобуйалааргыр хааччахтаах оҕолор тэбис-тэҥҥэ доруобай оҕолору кытта биир сыанаҕа. Төрүөхтэриттэн "истэр эйгэни" билбэтэх кырачааннар күпсүүрү охсон дорҕоон, тэтим долгунугар уйдараллар, бары биир ситимҥэ киирэллэр.

"Северные звездочки" ансаамбыл. Үгүс куонкурустар кыайыылаахтара, бэстибэллэр кыттыылаахтара бары кэриэтэ аппараат көмөтүнэн истэллэр, төрүөхтэриттэн доруобуйаларыгар хааччахтаах оҕолор.

Станислав Пермяков, "Северные звёздочки" ансаамбыл чилиэнэ: «Я участвую в ансамбле «Северные звёздочки» уже 5-ый год. Много раз выступали, летали по разным городам, занимали призовые места».

Үтүө санаанан салайтаран тэриллибит кэнсиэр сыала-соруга Куораттааҕы классическай гимназия иһинээҕи “Долун” ансаамбыл тэриллибитиэ 5-ис сыла буолар. Гимназия салалтата оҕолорун ансаамбыла үбүлүөйдээх сылыгар аһымал кэнсиэри тэрийдэ.

Туяна Докторова, "Долун" ансаамбыл салайааччыта, Куораттааҕы классическай гимназия учуутала: «5 сылбытын көрсөөрүбүт бу аһымал аахсыйаны биллэрэммит бу бүгүҥҥү кэнсиэри бэлэмнээтибит. Көмөлөспүт дьоҥҥо барыларыгар махталбытын тириэрдэбит. Бу “Долун” ансаамбылга элбэх үлэни ыытта биһиги салайааччыбыт, хореографпыт Филатова Лариса Романовна, киниэхэ махталбытын тириэрдиэхпитин баҕарабыт».

Ансаамбыл куораттааҕы, өрөспүүбүлүкэтээҕи, норуоттар икки ардыларынааҕы куонкурустар, “Бриллиантовые нотки”, “Кыьын Саха сириттэн саҕаланар” уонна да атын бэстибэллэр кыайыылаахтара буолар. Кэллэктиип биир кылаас иһинэн 2018 сыллаахха тэриллибитэ. Уонна билигин оҕолор улаатан, сайдан, үбүлүөйдээх кэнсиэрдэрин инбэлиит оҕолорго анаатылар.  

Юлия Устинова, "Шаг в мир звуков" кохлеарнай импланнаах оҕолор уопсастыбаннай тэрилтэтин бэрэссэдээтэлэ: «Для общественной жизни города Якутска – это первая обзеобразовательная школа, которая проводит благотворительный концерт в поддержку детей с инвалидностью. Это очень отрадно для общественности. Почему все школы не проводят такие мероприятия?».

Бу күн кэнсиэргэ Сурдологопедическэй киин ыалдьыттаата уонна маннык холбоһуктаах тэрээһиннэр элбиэхтэрин наадатын ыйда.

Надежда Ильина, СӨ доруобуйа харыстабылын министиэриcтибэтин кылаабынай сурдолога, 1№ НМК сурдологопедическэй киинин сэбиэдиссэйэ: «Мөлтөхтүк истэр оҕолор творчествоҕа сыһыаннаахтар, син биир кытталлар, ыллыыллар, үҥкүлүүллэр көрөргө үчүгэй баҕайы, өссө күүскэ дьарыктанан биэрэллэр. Бүгүн ыҥырыллан турарбытыгар олус үөрэбит».

Доруобуйаларыгар хааччахтаах оҕолор чөл туруктаах оҕолору кытта тэҥҥэ сылдьан сайдалларын ситиһэр усулуобуйа олохтонуохтаах. Онуоха Куораттааҕы класическай гимназия бастакы хардыыны оҥордо. Кэнсиэр билиэтинэн киирбит харчы барыта өрөспүүбүлүкэтээҕи уопсастыбаннай түмсүүгэ туттарылынна.