Өрөспүүбүлүкэтээҕи харах балыыһатыгар саҥа аппараат кэллэ
Саҥа кэлбит аппараакка эпэрээссийэҕэ киирээри 14 киһи кэтэһэн турар. Кинилэр эрдэ анал бэрэбиэркэни толору ааһан, уочараттара кэлбит дьон. Аны аҕыйах мүнүүтэнэн сытыытык көрөр буолан тахсыаххыт диэн быраастар мэктиэлииллэр. Илья Семенов оскуола сааһыттан мөлтөхтүк көрөр, онон өр кэтэһиилээх күнэ үүнэн үөрүүтэ үгүс.
Илья Семенов, эпэрээссийэлэнээччи: «Бүгүн эпэрээссийэлэнээри сылдьабын. Ачыкыбын дьэ уһулуом этэ. Манна үлэһиттэр бары үчүгэйдик көрүстүлэр, харахпын көрдүлэр. Саҥа аппарааты үчүгэй дииллэр. Бүгүн эппэрээссийэлииллэр уонна бүгүнүн таһаараллар. Онно тута үчүгэйдик көрөр буолар үһүбүн».
Бастакы киһи киирдэ. Өрөспүүбүлүкэтээҕи офтальмология балыыһатын хирургтара үөрүйэхтик туттан лазер көмөтүнэн хараҕы эпэрээссийэлииргэ ылсан бараллар. Кинилэри Москва куораттан кэлбит исписэлиис Елена Копова хонтуруоллуур. бу аппараат сүрүн уратыта киһи хараҕар улахан алдьатыыны таһаарбат, 3 миллимиэтирдээх хайа быһыыны оҥорон көрөрү тупсарар.
Максим Дьячковскай, өрөспүүбүлүкэтээҕи харах балыыһатын хирург – бырааһа: «Биһиэхэ саҥа германскай аппараат кэллэ. SMILE аппараат лазернай аҥаара диэххэ сөп. Эккиэн бииргэ үлэлиллэр: биир өттүгэр клапан оҥорор, иккиһигэр близорукость көннөрөр. Аата MEL 90 диэн. Бэҕэһэ кэлэн үөрэннибит, бүгүн ыарыһахтары номнуо эпэрээссийэлэн киирэн барабыт. Сарсын барыларын көрүөхтээхпит, түмүгүнэн аппараат үчүгэй буолуохтаах».
Манна бөлөҕүнэн түргэн-тарҕан туттуу ирдэнэр. Хирург хас биирдии хамсаныыта улахан экраҥҥа көстө турар. Лазерынан эпэрээссийэ ортотунан 15 мүнүүтэ салҕанар. Хараҕы оҥотторуу кэниттэн чөлүгэр түһүү түргэнник барар. Уопсайынан Өрөспүүбүлүкэтээҕи харах балыыһата сыл устата 12 тыһыынча араас эпэрээссийэни оҥорор. Онон доруобуйа харыстабылын Бөдөҥ тэрилтэтэ үрдүкү кылаастаах оборудованиенан хааччыллыыыга улахан болҕомтону уурар.
Иван Луцкан, өрөспүүбүлүкэтээҕи харах балыыһатын кылаабынай бырааһа: «Данный аппарат был получен в рамках поручения главы республики Айсена Сергеевича Николаева и программы развития офтальмологической помощи населению до 2024 года, утверждён правительством нашей республики. Мы постоянно обновляем парк медицинского оборудования и за этот период мы получили огромное количество медицинской техники, которая позволяет оказывать медицинскую помощь по профилю офтальмология на самом современном, как диагностическом, так и операционном оборудовании».
Күн бүгүн өрөспүүбүлүкэтээҕи харах балыыһата 95 бырыһыан эпэрээссийэни оҥорор. Онкология эрэ хайысхатынан эмтээһини оҥорбот. Көһө сылдьар хараҕы чинчийэр биригээдэ үлэтэ көдьүүстээҕин көрдөрөн, бу салааны өссө сайыннарар сорук турар. Холобура, бу сылга Дьокуускай тас өттүгэр 1.5 тыһыынча эпэрээссийэ оҥоһуллубут