Үөһээ-Бүлүү улууһун Быракааныгар нэһилиэк бары кэриэтэ киин ититэр ситимҥэ холбонон олорор
Олохтоох нэһилиэнньэ алаһа дьиэтэ сылаас-ичигэс буоларын туһугар кыһаллан туран үлэлиир Трофим Яковлев киэһэҥҥи оттугар сылдьар. Кыра кыралаан кыһыммыт толору быраабыгар киирэн эрээрин, биллэн туран хочуолунай улэһиттэрэ билэн олордохторо.
Трофим Яковлев, Быракааннааҕы "Альтернатива" олох-дьаһах хомунаалынай тэрилтэтин үлэһитэ: «Икки буолан үлэлиибит уонна 12 чаас турабыт. Күҥҥэ 8 туонна оттоҕут дииллэр ону ичигэс буолан аҥарын оттобут. Кыһыммыт саҥа саҕаланан эрэр буоллаҕа».
Быракааҥҥа 2021 сыллаахха улахан кыаматалаах, кыбартаалынай хочуолунай улэҕэ киирбитэ. Ол кэмтэн ыла нэһилиэк олохтоохторо оһох оттубат, мас кыстаабат буолбуттара. Олох хаачыстыбата тупсан, билигин кинилэр дьиэлэрэ-уоттара итии-сылаас буоларыгар хачыгаардар эрэ кыһаллаллар. Онно төһүү Быракааннааҕы "Альтернатива" олох-дьаһах хомунаалынай тэрилтэтэ.
Алексей Оконосов, «Быракаан нэһилиэгэ» МТ баһылыга: «Иннокентий Николаевич ЖКХ «Альтернатива» диэн тэрилтэни кытта концессионнай сөбүлэһии түһэрсэммит атырдьах ыйыгар саҕалаан баран ахсынньыга хочуолунайы тутан бүтэрбиппит. Манна биири тоһоҕолоон этиэхпин баҕарабын – бу хочуолунай тутуутун барытын нэһилиэк дьоно сэргэтэ оҥорбуттара. 3 оһох Барнаул куораттан кэлэн турар. 2 КВр 1.45 диэн биирбит КВр 0.63. Билигин, ону таһынан икки улахан абыйыак киирээри турар. Ахсынньы ыйыгар ити оһохтору уларытыахтаахтар».
Бу кэлэр ыйга нэһилиэккэ чахчы баараҕай эбийиэктэр улэҕэ киирээри тураллар, онон хомунаалынай үлэһиттэргэ үлэлэрэ баһаам. Маныаха күннэтэ киин ититэр ситим үчүгэйдик туох да эҥкилэ суох үлэлииригэр кэллэктиип өрө күүрүүлээхтик бу хайысхаҕа үлэлиир.
Александр Саввинов, Быракааннааҕы "Альтернатива" олох-дьаһах хомунаалынай тэрилтэтин маастара: «Киин ититии киирэн ыал барыта абыранна. Итии киирэн, уулара киирэн барыта билигин үчүгэй. Билигин да абыйыактар холбоно тураллар. Суол туруон иннинэ Хаҥаластан кэлэр, орүс туруон иннинэ Кировский разрез диэн баар Ньурбаҕа онтон таһаллар».
Быракааннар бу "Альтернатива" диэн ааттаах олох-дьаһах хомунаалынай тэрилтэтин кытары үлэлэһэ сылдьалларыттан олус үөрэллэр диэн аҕа баһылык кэпсиир. Бу тэрилтэни кытары сһбүлэҥ туһэрсэннэр чахчы нэһилиэк 98% киин ититэр ситимҥэ холбоммута – “Альтернативалар” өҥөлөрө.
Алексей Оконосов, «Быракаан нэһилиэгэ» МТ баһылыга: «Бу ЖКХ «Альтернатива» биһиэхэ биир өттүнэн нэһилиэкпитигэр табыгас, ону таһынан нэһилиэкпит дьоно сэргэтэ үлэлээх хамнастаах буоллулар. 14 эдэр ыаллар бүддьүөттэригэр эбии харчы киирэр буолуо».
Нэһилиэккэ уопсайа тыа сирин кээмэйинэн уһун, уопсайа 6000 км. киин ититэр ситим траассата улэлиир. Оттон бу үлэттэн нэһилиэк бүгүҥҥүтэ, кыһыны хайдах туоруура тутулуктаах.