Идэлээх күнү сулууспаҕа

Суһал иһитиннэрии киирэн Росгвардия биэдэмистибэ таһынан харыбыллыыр салаатын үлэһиттэрэ ыйыллыбыт аадырыска суһаллык айанныыллар. Маҕаһыыҥҥа КТС, ол эбэтэр нууччалыы эттэххэ тревожнай кнопка, үлэлээн, байыастар онно туруналлар.

Күн ортото маҕаһыыҥҥа аһыы утах иһэн баран, лааппыга күлүгээннии сылдьар эр киһи тутуллан, салгыы буруйдаах отделга илдьиллэр. Дьэ, бу курдук күннэтэ Росгвардия тустаах салаатын үлэһиттэрэ бу курдук барыллаах үлэлииллэр. 10 сыл үлэтигэр бэриниилээхтик сулууспалыы сылдьар Геннадий Степанов, холобура, бүгүҥҥү тутааһыны бииргэ үлэлиир уолун кытары ыытта. 

Геннадий Степанов, Росгвардия федеральнай сулууспатын Саха сиринээҕи салалтатын биэдимистибэ таһынан харабыллыыр салаатын  1 ротатын 1 взводун старшай сержаана: «Тэрилтэлэр Росгвардияны кытары дуогабар түһэрсэллэр. Оччоҕо биһиги манабылбытыгар киирэллэр. Суһал кнопка эбэтэр сигнализация туруорабыт. Онтон эбийиэккэ туох эрэ буолар түгэнигэр тута тиийэбит».

Күн бүгүн Росгвардия федеральнай сулууспатын Саха сиринээҕи салалтатын биэдэмистибэ таһынан харабыллыыр салаата сыл саҕаланыаҕыттан 4800 суһал иһитиннээриигэ бара сырытта, онтон 1800 буруйу кэһии уҕарытылынна, маныаха 100 улахан буруйу арыйыыга бу салаа үлэһиттэрэ көмөлөстүлэр. 2189 административнай боротокуол оҥоһулунна. 3000-тан тахса буруйу кэһээччи тутулунна. Оттон бу барыта байыастар биир сомоҕо, көдьүүстээх үлэлэрин түмүгэ.

Михаил Местников, Росгвардия федеральнай сулууспатын Саха сиринээҕи салалтатын биэдимистибэ таһынан харабыллыыр салаатын  2 ротатын хамандыыра: «Симэнэнэн үлэлиибит. Хас сарсыарда аайы бастакы симиэнэ кэлэн таҥаһын – сабын, харыстыыр тэриллэри ылаллар итиэннэ анаммыт сирдэринэн тарҕаһаллар. Хас биирдии үлэ чааһа саҕаланыан иннинэ инструктаж ааһаллар уонна массыналар бэрэбиэркэлэнэллэр. Ол эрэ кэннэ нэрээккэ бараллар».

Оттон манна даҕатан эттэххэ, тустаах биэдэмистибэ сулууспатыгар саҥа үлэһиттэри ыҥырар. Бу эйгэҕэ үлэлиэн баҕалаах эр дьон кэлэн үлэлээн холонуохтарын сөп.

Наталья Тарахинова, Росгвардия федеральнай сулууспатын Саха сиринээҕи салалтатын Дьокуускайдааҕы биэдимистибэ таһынан харабыллыыр салаатын каадырдары талар отделын исписэлииһэ, полиция лейтенана: «Биһиэхэ элбэх социальнай көмө баар. Холобур, медицинэ өттө барыта босхо, хамнаспыт үрдүк, эдэр дьон дьиэ куортамныылларыгар төлөбүр, сыл аайы бырайыас, биэнсийэҕэ эрдэ тахсааһын».

Росгвардия федеральнай сулууспатын Саха сиринээҕи салалтатын биэдэмистибэ таһынан харабыллыыр салаатын үлэһиттэрэ идэлээх бырааһынньыктарынан туох баар бэтэрээннэри уонна үлэһиттэри эҕэрдэлииллэр.

Сергей Саркисян, Росгвардия федеральнай сулууспатын Саха сиринээҕи салалтатын Дьокуускайдааҕы биэдимистибэ таһынан харабыллыыр салаатын батальонун хамандыыра, полиция подполковнига: «Убаастабыллаах бэтэрээннэрбитин, бииргэ үлэлиир дьоммун идэлээх күммүтүнэн эҕэрдэлиибин. Бырыгытыгар чэгиэн-чэбдик доруобуйаны».

Манна даҕатан эттэххэ, билигин халлаан тымныйан, таһырдьа эрдэ хараҥарар буолан халааһын үксээн, бу эйгэ үлэһиттэрин үлэлэлэрэ икки бүк үрдээтэ.