Орто Халымаҕа бастакы маркет арылынна

Халыма өрүс хаҥас кытылыгар сана баараҕай эбийиэги тутуу ааспыт сыл атырдьах ыйыттан саҕаламмыта. Уонна биир сыл иһигэр, көдьүүстээх үлэ түмүгүнэн 2 мэндиэмэннээх 500-тан тахса кыбадыраатынай миэтирэ иэннээх киин үлэҕэ киирдэ. Манна Орто Халыма улууһун олохтоохторугар төгүрүк сыл устата  сибиэһэй оҕуруот аһа, фрукта, үрүҥ ас арааһа итиэннэ халбаһы хопчуонай бородууксуйата баар буолуоҕа.

Алёна Дьяконова, "Якутоптторг" тэрилтэ пресс-сулууспатын үлэһитэ: «2021 сыллаахха икки бастакы атыы-эргиэн логистическай киинин өрөспүүбүлүкэ бүддьүөтүттэн туппут буоллахпытына, кэнники эбийиэктэрбит федеральнай өйөбүлүнэн Минвостокразвития нөҥүө тутулла тураллар. Бу күннэргэ Орто Халымаҕа саҥа киин үлэҕэ киирдэ, иэнэ 578 квадратнай миэтэрэ. Маны таһынан тас өттүгэр тымныы ыскылааттаах, оҕуруот аһын харайар анал сирдээх, оҥорон таһаарар сыахтаах, киэҥ ичигэс офистаах итиэннэ Орто Халымаҕа маҥнайгы маркет арылынна. Онон олохтоохтор үөрүүлэрэ улахан”.

Чахчы саҥа киин аныгы ирдэбилгэ толору эппиэттиир. Саҥа сүүрээн киллэрии -манна олохтоох нэһилиэнньэ бултуйуутун, көмүс хатырыктааҕын, күндү түүлээҕин итиэннэ сир аһын туттарар кыахтаннылар. Маныаха оҕуруот аһын харайар, аналлаах температурнай эрээһиимнээх ыскылаат эмиэ олохтоохторго да үлэһиттэргэ да төһүү буолуоҕа.

Прасковья Армеец, Орто-Халыма улууһун олохтооҕо: «Эргэ маҕаһыыммыт олус тымныы этэ. Ол атыылаһааччыга да, үлэһиттэргэ да наһаа эрэйдээҕэ. Билигин саҥа маҕаһыыммыт олус сылаас,  сып-сырдык».

Арыллыбыт киин Халыма бөлөх улуустарын аһынан-үөлунэн, киһи олоҕор наадалаах табаарынан хааччыйыаҕа. Оччотугар ыраах сытар нэһилиэктэргэ эмиэ сибиэһэй бородууксуйа удамыр сыанаҕа тиийиэҕэ. Манна чопчулаан биэрдэххэ, бу сылга өссө эбии маннык кииннэр үлэҕэ киириэхтэрэ, оттон 2025 сылга бары Арктическай улуустарга.