Туризмы сайыннаарыыга Дойду таһымнаах куонкурус саҕаланна
Уһук Илин региоҥҥа - туризмы сайыннаарыыга Дойду таһымнаах куонкурус ыытыллан саҕаланна. Манна Дойду олохтоохторо бары кыттыыны ылыахтарын сөп. Билигин Саха сириттэн бу куонкуруска кыттыан баҕалаахтар олус аҕыйахтар. Онон тэрийээччилээр Өрөспүүбүлүкэ олохтоохторун бу күрэхххэ кыттарга ыҥыраллар.
Бу куонкурска биир бастакынан, сайаапкатын саха атынан Дойдутун устун айаннаабыт Өймөкөөн эр хоһууна, Дугуйдаан Винокуров, биэрбит. Чахчы, төрөөбүт дойдутун сыспай сиэллээҕинэн сылдьан көрбүт-билбит уол, Саха сирэ туризм түөлбэтэ ааттаныаҕын ааттаныан сөп диэн тоһоҕолоон этэр. Оттон кини хамаандата "Дальний восток-земля приключений" куонкуруска, бу соторутааҕыта баран кэлбит былыргы Магадаан аартыгынан күрэххэ кыттар:
"Биһиги иккис улахан айаммыт Өймөкөөнтөн Магадааҥҥа диэри буолбута. Онно биһиги оператордаах сылдьан, барытын киинэҕэ устан таһаарбыппыт. Ол матырыйаалынан билигин ролик оҥоһулла сылдьар. Роликпытын куонурска ыытан кыттыахтаахпыт. Бу айан саамай ыарахана, кыһын 61 кыраадыс тымныыга буолбута. Айаммыт атынан уонна бурааннарынан этэ. Туристическай маршрут буолуон сөп. Уһук илиҥҥи улахан куонкурска дьон барыта көрдүн-биллин диэн ролик оҥорон кыттабыт".
Бу курдук экстримальнай, ураты маршрут кыттыыны ылар буоллаҕына, өссө биир кыттааччы сатыы хаамыы "Куллаты - Эргэ Табаҕа" маршрутунан сайаапкатын биэрдэ. Бу маршрут уратыта диэн, манна ким баҕалаах сылдьыан сөп. Эдэр да, аҕам да саастаах дьон. Манна туристар Куллаты үрэҕинэн сылдьан, кэрэ айылҕалыын алтыһыахтара.
"Биһиги сайаапка биэрбиппит, "Куллаты - Эргэ Табаҕа" маршрутунан “Дальний Восток – земля приключений” диэн куонкурска. Быһа холоон, 10 км курдук. Олус кыраһыабай, сүрүннээн күһүн. Оҕолор даҕаны, аҕам саастаах дьон даҕаны сылдьыахтарын сөп. Сайаапканы номнуо биэрбиппит, ол иһин түмүгү олуһун кэтэһэбит", - диир куонкурус кыттыылааҕа Нюргуяна Мартынова.
Бу курдук кыра кыралаан сайаапкалар киирэ тураллар. Ол эрэн, Саха сириттэн аҕыйах кыттааччы диэн, тэрийээччиллэр Өрөспүүбүлүкэ олохтоорун күрэххэ кыттарга ыҥыраллар. Манна 14 саастарыттан саҕалаан дьон кыттыан сөп. Биһиги Өрөспүүбүлүкэбит олус элбэх кэрэ сирдэрдээх. Өлүөнэ эбэ очуостара, Тукулаан, Сиинэ остуолбалара, Киһилээх хайалара онтон да атын миэстэлэри устан ыытыахтарын сөп.
"Билэргит курдук, биһиэхэ Саха сиригэр араас кэрэ көстүүлээх сирдэр бааллар, итиэннэ ытык сирдэр. Бу Аан дойду дьоно биһиэхэ ыалдьыттыы кэлэн, сирдэрбитин көрүөхтэрин сөп диэн сыаллаах-соруктаах куонкурс буолар. Сүрүн бирииһэ 3 мөлүйүөн буолар. Сылдьан, күүлэйдээн кэлбиккитин атын дьону ымсыырдар гына видео устубут буоллаххытына, 3 мөлүйүөнү уу хаччынан ылыаххытын сөп. Онон кыттын, боруобалаан. Сахабыт сирин элбэх киһи көрөн, биһиэхэ кэлэн ыалдьыттаатыннар, биһиги дьоммутун хаччылаатыннар ", - диэн СӨ туризмы сайыннарар агенство салайааччыта Дмитрий Громов иһитиннэрэр.
Улахан сууммаллаах куонукурска кыайыан баҕалаах дьон туора турбакка, устууларгытын саайтка киллэрин. Баҕар эһиги видеороликкыт кыайыылах буолан тахсыаҕа.