Оҕуруоччутарга сири оҥорууга көмө

Тыа хаһаайыстыбатын министиэристибэтигэр сири нүөлсүтүү үлэлэригэр көмө харчыга сайаапкалары тутуу түмүктэннэ. Уопсайа 57 хаһаайыстыба сайаапка биэрбит. Бу үксүн оҕуруоттаах дьон. Онон оҕуруоту уунан хааччыйыыга анал тэрил ылыныыга элбэх сайаапка киирбит. Ол курдук быйыл сири нүөлсүтүү үлэлэригэр аан бастакытын хаһаайыстыблаахтарга көмө харчы көрүлүннэ. Барыта 100 мөл. солк. анал дьаһал тахсан сайаапкалары хомуйдулар. Бу сири кытта үлэлиир хаһаайыстыбалары өйүүр, быраҕылла сытар бааһыналары, ходуһалары туһаҕа таһаарар сыаллаах дьаһал.