Анал эпэрээссийэ дьоруойдарыгар аналлаах быыстапка арылынна

“Россия - моя история” историческай пааркаҕа анал эпэрээссийэ дьоруойдара диэн быыстапка аһылынна. Экспозиция бүтүн Россиятааҕы бырайыак чааһа буолар. Маннык быыстапкалар бары регионнарга арылыннылар. Бырайыак 20 графическэй кыра кэпсээннэртэн турар. Быыстапкаҕа Волноваха дьонун-сэргэтин быыһыы сылдьан сырдык тыына быстыбыт Владимир Жога, ытыалаһыыта-кыргыһыыта суох Чернобыльскай атомнай электростанцияны ылбыт полковник Андрей Фроленко курдук хорсун быһыылаах байыастар кэпсэнэллэр.

“Биһиэхэ мөлүйүөн аҥарыттан ордук киһи кэлэн барбытыттан, биири сыаналыыллар, туһалаах санааны биллибит, сөптөөх информацияны  ыллыбыт, өссө да кэлиэхпит диэн уонна саҥа үүнэн иһэр эдэр көлүөнэ барыта интернет эйгэтигэр олорор. Кини бу виртуальнай эйгэни көрөрүгэр, сөпкө бириэмэҕэ эппиэттиир музей буоларын көрдөрдө. Онон виртуальнай музей,  инникитин кэскиллээх музей. Бу Россия президенэ Владимир Владимирович Путин туруорбут сыала-соруга, 24 музейтан Россия таһымыгар биһиги музейбыт сөптөх миэстэтин булла”, - диир СӨ култуура уонна духуобунай сайдыы миниистирэ Юрий Куприянов.

Анал байыаннай эпэрээссийэҕэ аналлаах быыстапкаҕа сүрүн миэстэни биир дойдулаахтарбыт ылаллар. Манна 15 байыас хорсун быһыылара кэпсэнэр. Күн бүгүн, Саха сириттэн хас эмэ сүүһүнэн эр бэрдэ Россия чиэһин көмүскүүр, анал байаннай эпэрээссийэ ситиһиилээхтик түмүктэнэригэр сүҥкэн кылааты киллэрэр. Быыстапка ыам ыйын 28 күнүгэр диэри үлэлиэҕэ.