"Дьиэ кэргэн фермата" диэн граны 10 хаһаайыстыба туһаныа

Тыа хаһаайыстыбатын министиэристибэтигэр "Дьиэ кэргэн фермата" диэн грант күрэҕин кыайыылаахтарын быһаардылар. Граны ыларга 20 улуустан 60-тан тахса хаһаайыстыбалаах дьон сайаапка түһэрбитэ. Министиэристибэ тустаах хамыыһыйата түмүккэ 10 кыайыылааҕы талла. Кинилэр 3 хайысханан: ынах-сүөһүнү, сылгыны иитиигэ, хортуоппуйу олордууга көмө харчыларын туһаныахтара. Биирдии грант ылааччы 6 мөлүйүөнтэн 15 мөлүйүөҥҥэ диэри суумманы ылар кыахтанар. Бу үбү кыайыылаахтар сүөһүлэрин, сылгыларын төбөтүн ахсаанын элбэтиигэ, тыа хаһаайстыбатыгар туттуллар техникэ, транспорт ыларыгар итиэннэ хотон, ыскылаат тутуутугар биитэр өрөмүөнүгэр туттуон сөп.