Бэйдиэ сылдьар ыттары тутуу салҕанар
Киин куоракка сыл саҕаланыаҕыттан 411 бэйдиэ сылдьар ыты туттулар. Ол курдук ааспыт нэдиэлэҕэ 95, ол иннинээҕигэ 75 көрүүтэ-истиитэ суох сылдьар ыты дьиэ кыылын быстах тутар пууҥҥа илтилэр. Манна барыта 7 биригээдэ үлэлиир. Күн бүгүн көрүүтэ-истиитэ суох сылдьар дьиэ кыылын тутар пууҥҥа 1342 ыт турар. Нэдиэлэ иһигэр уопсайа 20 рейдэ оҥоһулунна. Бэрэбиэркэ түмүгүнэн 7 хаһаайыннаах ыт бэйдиэ сылдьарын тутан, административнай кэһиигэ 6 боротокуол толорулунна.