АЛРОСА мини-футболга күрэхтэһии тэрийдэ

Миирнэйгэ 2 сыл тохтоон баран, АЛРОСА 27 төгүлүн мини-футболга күрэхтэһиитин тэрийдэ. Бастыыр иһин күрэххэ, барыта 18 хамаанда күөн көрсөр. Манна алмааһы хостооччулары таһынан, Миирнэй оройуонун бөһүөлэктэриттэн эмиэ кытталлар. Өр күүтүүлээх тэрээһиҥҥэ култуурнай-спортивнай комплекстар иитиллээччилэрэ уонна бэтэрээннэр хамаандалара тэҥинэн турдулар. Мини-футбол бу куннэргэ саҕаланан баран, хас өрөбүл ахсын салҕаныаҕа уонна муус устар ортотугар түмүктэниэҕэ.