Муҥутуур кылгас күн

Ахсынньы 22 күнүттэн күммүт уһаан барар. Быйыл күн кыһыҥҥы туруута ахсынньы 21 күнүгэр түүн 12 чаас 58 мүнүүтэҕэ түбэһэр. Онон 20 чыыһылаттан 21 диэри сылга саамай уһун түүн буолуоҕа, оттон күнэ кылгас. История кэрэһэлииринэн, өбүгэлэрбит былыр сыл саамай уһун түүнүгэр орто дойдуга хара дьай түһэр уонна киһи күүһүн-уоҕун ылар диэн саныыллара. Онон бу түүн хара тыынтан харыстанан харыйа лабааларын дьиэлэрин муннугун аайы ыйыыллара. Харыйа дыргыл сыта куһаҕан дьайыыттан көмүскүүрэ.