"Бүлүү" федеральнай трассаҕа баар гааз заправкатыгар умайыы таҕыста

Ахсынньы 17 күнүгэр 16 ч. 55  мүн. Бэрдьигэстээх "Бүлүү" федеральнай трассатын 187 км. хаҥас өттүгэр турар, гааз  заправкатыгар умайыы тахсыбытын туһунан, баһаарынай чаас диспиэччэригэр иһитиннэрии киирдэ. 12 кв. миэтирэ иэннээх, сэндвич панельтан тутуулаах заправка буудката, толору иэнэ уокка былдьанна. Уоту умулларыыга 2 баһаарынай массыына уонна “Сахаспецтранс”   ХЭТ 1 уу баһар массыыната үлэлээтилэр. Турбут уоту   киэһээ 17 ч. 14 мун. умуллардылар.  Баһаарга 1973 сыллаах эр киьи, гааз заправкатын оператора,   1 степеннээх ожог ылбыт. Гааз заправкатын хаһаайынынан, урбаанньыт Соров Валентин Михайлович  буолар.

"Операторы кытта кирилиэс аҕалан уураммыт, тахсан кырааннары саппыппыт. Онтон уота арыый намтаабытын кэннэ, пеннай стволунан ыһан умуллардыбыт. АЦП-40 камаз уонна АЦП-40 урал таҕыста, 10 киһи үлэлээтэ", - диэн Бэрдьигэстээхтээҕи баһаарынай чаас   1-караулун начальнига  Семён Максимов иһитиннэрдэ.